Durrës/ ‘U martova me gruan e gabuar, ajo më rreh sa herë i trokas në derë! Më ndihmoni!’

0
64

Në prill të këtij viti gjykata vendosi që Fatmir Murrizi të banojë në një nga dhomat e banesës sociale në Durrës. Por vendimi ka indinjuar ish-gruan e tij, Bukurie Dervishin, e cila pretendon se ish-burri e dhunon, por edhe Murrizi pretendon se është ai i dhunuari në këtë mes, edhe fizikisht.

“Më rreh ish-gruaja. Ajo ka një vit e gjysmë që më ka nxjerrë jashtë nga shtëpia, ku jeton me dy djemtë tonë. Ajo më ka degjeneruar në publik, e më ka lënë jashtë banesës, nuk kam asnjë mundësi të shkoj diku tjetër”, tha ai.

Sipas tij ato që ajo thotë në media nuk janë të vërteta.

“Ish-gruaja ka mashtruar gjykatën, opinionin publik, gjykatën dhe policinë, më qëllimin e vetëm që të më mbajë mua larg…Jam durrsak i vjetër…u martova me gruan e gabuar. Dua vetëm të jetoj aty dhe të rri me djemtë. Nuk i trokas dot në derë…”, tha ai.

Nga ana tjetër Bukuria, 44 vjeçe, në korrik të këtij viti kërcënoi të hidhej nga kati i tretë, sepse nuk mund të jetojë nën të njëjtën çati me personin që e dhunon.

Edhe pse gjykata i ka dhënë të drejtë Murrizit të jetojë në një nga dhomat, ai e ka të pamundur sepse Bukuria kërcënon me vetëvrasje. Çifti ka dy fëmijë të sëmurë me hidrocefali.

Loading...